၁၀၂၇ စစ်ဆင်ရေးအပိုင်း(၂) (၅၀)ရက်မြောက်နေ့ တအာင်းပြည် နောင်ချိုနှင့် သီပေါမြို့နယ်တွင် တိုက်ပွဲဆက်လက်ဖြစ်ပွား စစ်ကောင်စီတပ်မှ လေကြောင်းဖြင့်(၂၆)ကြိမ် တိုက်ခိုက်
13 August 2024
၁၀၂၇ စစ်ဆင်ရေးအပိုင်း(၂) (၅၀)ရက်မြောက်နေ့ တအာင်းပြည် နောင်ချိုနှင့် သီပေါမြို့နယ်တွင် တိုက်ပွဲဆက်လက်ဖြစ်ပွား စစ်ကောင်စီတပ်မှ လေကြောင်းဖြင့်(၂၆)ကြိမ် တိုက်ခိုက်
တအာင်းပြည်၊ သြဂုတ် (၁၃)ရက်
တအာင်းပြည်စစ်ရေးသတင်း
တအာင်းပြည် တပ်မဟာ(၂)နယ်မြေ နောင်ချိုမြို့နယ် နောင်လင်ကျေးရွာတွင် တအာင်းတပ်မတော် TNLA နှင့် စစ်ကောင်စီတပ်တို့အကြား တိုက်ပွဲဆက်လက်ဖြစ်ပွားလျက်ရှိသည်။
နောင်လင်ရွာ၌ တပ်မ(၉၉) လက်အောက်ခံ ခမရ(၃၀၂)တပ်နှင့်သော်လည်းကောင်း၊ အရှေ့မြောက်ပိုင်း တိုင်စစ်ဌာနချုပ်လက်အောက်ခံ ခမရ (၃၂၅)တပ်နှင့်သော်လည်းကောင်း၊ အလယ်ပိုင်းတိုင်းစစ်ဌာနချုပ်လက်အောက်ခံ ခမရ(၃၀၆)တပ်ရင်းတို့နှင့် တိုက်ပွဲဖြစ်ပွားခဲ့သည်။
နောင်ချိုမြို့နယ်တိုက်ပွဲအတွင်းတွင် စစ်ကောင်စီတပ်မှ ဂျက်ဖိုက်တာဖြင့် (၁)ကြိမ်နှင့် Y-12 ထောက်ပို့လေယာဉ်ဖြင့် (၁၁)ကြိမ် ဗုံး(၈၅)လုံး လာရောက်ကြဲချခဲ့သည်။
တပ်မဟာ (၂)နယ်မြေ သီပေါမြို့ ခလရ (၂၃) တပ်စခန်းနေရာတွင် တိုက်ပွဲဆက်လက်ဖြစ်ပွားလျက်ရှိပြီး စစ်ကောင်စီတပ်မှ Jet Fighter ဖြင့် (၁)ကြိမ်၊ Y-12 ထောက်ပို့လေယာဉ်ဖြင့် (၈)ကြိမ် ဗုံး(၄၄)လုံး လာရောက်ကြဲချခဲ့သည်။
ထို့ပြင် မန်တုံမြို့နယ် တိုက်ပွဲဖြစ်ပွားခြင်းမရှိသော မန်ဆာကျေးရွာတွင် စစ်ကောင်စီတပ်မှ Jet Fighter ဖြင့် ဖျက်အားပြင်း ပေါင် ၅၀၀ ဗုံး (၁)လုံးအပါ ဗုံး (၅)လုံး အရပ်သားပြည်သူများကို ဦးတည်ပြီး ဗုံးကြဲတိုက်ခိုက်ခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ