၁၀၂၇ စစ်ဆင်ရေးအပိုင်း(၂) (၆၆)ရက်မြောက် နောင်ချိုမြို့နယ်ရှိ စစ်ကောင်စီတပ်စခန်း (၂) ခု သိမ်းပိုက်နိုင်ခဲ့ပြီး၊ တိုက်ပွဲဆက်လက်ပြင်းထန်လျက်ရှိ
29 August 2024
၁၀၂၇ စစ်ဆင်ရေးအပိုင်း(၂) (၆၆)ရက်မြောက် နောင်ချိုမြို့နယ်ရှိ စစ်ကောင်စီတပ်စခန်း (၂) ခု သိမ်းပိုက်နိုင်ခဲ့ပြီး၊ တိုက်ပွဲဆက်လက်ပြင်းထန်လျက်ရှိ
တအာင်းပြည်၊ သြဂုတ်လ(၂၉)ရက်
တအာင်းပြည်စစ်ရေးသတင်း
တအာင်းပြည် တပ်မဟာ (၂) နယ်မြေ နောင်ချိုမြို့နယ် တောင်ခမ်းကျေးရွာရှိ စစ်ကောင်စီ အမြောက်တပ်စခန်း (၂)ခု ဖြစ်သည့် အမတ (၄၀၆)နှင့် အမတ (၂၀၆)တို့ကို သြဂုတ်လ(၂၈)ရက်နေ့တွင် သိမ်းပိုက်နိုင်ခဲ့ပြီးဖြစ်သည်။
ယနေ့ သြဂုတ်လ(၂၉)ရက်နေ့တွင်လည်း တောင်ခမ်းရွာရှိ စစ်ကောင်စီ (၉၀၂) တပ်စခန်း၊ ၃၄၅ တပ်စခန်းအနီးတဝိုက် နှင့် မကျီးရေရွာဘုန်းကြီးကျောင်းတို့တွင် တအာင်းအမျိုးသား လွတ်မြောက်ရေး တပ်မတော် TNLA နှင့် စစ်ကောင်စီတပ်တို့အကြား တိုက်ပွဲဖြစ်ပွားလျက်ရှိသည်။
ယနေ့ နံနက် (၇း၂၀) နာရီအချိန် တောင်ခမ်းကျေးရွာရှိ (၉၀၂) စစ်ကောင်စီတပ်၌ လည်းကောင်း၊ (၅း၄၀)နာရီအချိန်တွင် (၃၅၄) တပ်စခန်း စစ်ကောင်စီတပ်စခန်း၌လည်းကောင်း၊ (၁၇း၄၀) နာရီအချိန်တွင် မကျီးရေရွာတွင် စစ်ကောင်စီတပ်၌ လည်းကောင်း တိုက်ပွဲဖြစ်ပွားခဲ့သည်။
တိုက်ပွဲဖြစ်ပွားလျက်ရှိသော တောင်ခမ်းရွာ၌ စစ်ကောင်စီ (၉၀၂) တပ်စခန်းတွင် စစ်ကောင်စီတပ်မှ Y12 ဖြင့် (၃)ကြိမ် ၊ ဗုံး (၁၅၀) လုံး၊ တောင်ရွှေရွာတွင် Jet Fighter ဖြင့် (၁)ကြိမ်နှင့် သကြားစက်ရုံတွင် (၂)ကြိမ် လာရောက်ဗုံးကြဲတိုက်ခိုက်ခဲ့သည်။
ရှမ်းပြည်နယ်တောင်ပိုင်း ရပ်စောက်မြို့နယ် ကျောက်ဂူမှ နောင်ချိုမြို့နယ်အတွင်းသို့ စစ်အင်အားပြန်လည်ဖြည့်တင်းရန် ကြိုးပမ်းနေသည့် စစ်ကောင်စီတပ်က ထိုးစစ်ဆင်လာ၍ နှစ်ဖက်တိုက်ပွဲ ဖြစ်ပွားခဲ့ခြင်းဖြစ်သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ