12 July 2024

၁၀၂၇ စစ်ဆင်ရေး အပိုင်း(၂) (၁၈) ရက်မြောက်  စစ်ကောင်စီ ဒုံးတရ ၆၀၆ မှ ထွက်ပြေးသွားသော စစ်ကောင်စီတပ်ဖွဲ့ဝင်များကို လိုက်လံရှင်းလင်းခဲ့ပြီး၊ ဂုတ်တွင်းစခန်းနှင့် လက်နက်ခဲယမ်းအချို့သိမ်းဆည်းရမိ

တအာင်းပြည်၊ ဇူလိုင်(၁၂)ရက်

တအာင်းပြည်စစ်ရေးသတင်း

တအာင်းပြည် တပ်မဟာ(၂)စစ်ဒေသ၊ နောင်ချိုမြို့နယ် ဒုံးတပ်ရင်း (၆၀၆) တပ်မှ ဂုတ်ထိပ်/ဂုတ်တွင်းစခန်းသို့ ထွက်ပြေးသွားသော စစ်ကောင်စီတပ်ဖွဲ့ဝင်များကို ယနေ့ နံနက် (၅း၃၀)နာရီအချိန်တွင် တအာင်းတပ်မတော်  TNLA + DPLA ပူးပေါင်းတပ်ဖွဲ့တို့မှ တိုက်ခိုက်ခဲ့သိမ်းပိုက်ခဲ့သည်။ ဂုတ်တွင်းစခန်းအတွင်း လက်နက် (၁၅)လက်၊ RPG7 (၂)လက်၊ ငါးကြင်မီး (၁)လက်၊ 60MM (၂)လက်နှင့် ရန်သူ့အလောင်းတို့ သိမ်းဆည်းရမိခဲ့သည်။

 တိုက်ပွဲဖြစ်ပွားလျက်ရှိသော ဂုတ်ထိပ်/တွင်းစခန်းသို့ စစ်ကောင်စီတပ်မှ Jet Fighter ဖြင့် (၃)ကြိမ်၊ Mi35 ဖြင့် (၄)ကြိမ်နှင့် Y12 ဖြင့် ဗုံး(၆၄)လုံး လာရောက်ပစ်ကူပေး တိုက်ခိုက်ခဲ့သည်။ ကျောက်မဲ စစ်ကောင်စီ (၅၀၁)စခန်းမှလည်း ဂုတ်ထိပ်သို့ လက်နက်ကြီးဖြင့် (၂)ကြိမ် ပစ်ခတ်တိုက်ခိုက်ခဲ့သည်။

အလားတူ နောင်ချိုမြို့နယ် နောင်အောရွာအနီးတဝိုက်တွင် တအာင်းတပ်မတော် TNLA နှင့် စစ်ကောင်စီတပ်တို့ တိုက်ပွဲဖြစ်ပွားခဲ့သည်။ တပ်မဟာ (၃)စစ်ဒေသ၊ မိုးမိတ်မြို့အတွင်း စစ်ကောင်စီတပ် စကခ-၂၁၊ ခလရ-၂၂၃ နှင့် တအာင်းတပ်မတော် TNLA + PLA + MOD PDF ပူးပေါင်းတပ်ဖွဲ့တို့ တိုက်ပွဲဖြစ်ပွားလျက်ရှိသည်။ ထို့အတူ မိုးကုတ်နှင့် မိုးမိတ်ကြားရှိ စစ်ကောင်စီ (၅)မိုင်တပ်စခန်းတွင်လည်း 60MM (၁)လက်၊ လက်နက်(၇)လက်၊ RPG7 (၂)လက်နှင့် ခဲယမ်းများစွာ သိမ်းဆည်းရမိခဲ့သည်။

ထို့ပြင် နောင်ချိုမြို့နယ် အုမ္မတီးရွာနှင့် သဲခေါ်ရွာသို့ စစ်ကောင်စီတပ်မှ Mi35 ဖြင့် လာရောက်ပစ်ခတ်တိုက်ခိုက်ခဲ့သည်။

#PSLFTNLA

#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်